Nova intervención de Escoitar.org no programa “O Tren do Serán”. Foi o mércores día 6 de febreiro. Alí estivo Juan Gil e Horacio, dous dos membros do colectivo Escoitar.org. Continuamos co “xogo” no que os ointes da Radio Galega teñen que adiviñar a que corresponde o son que se presenta. Neste caso foi o son das marisqueiras de Cesantes, en Redondela.

Chama Diego de Esteiro (está viaxando por Barqueiro). Opina que é un muiño, pero non é. Diego opina que sería moi bo conservar o son dos carros de vacas, que xa non se escoitan dende hai moitos anos (este é un dos sons que máis reclaman os ointes). Poñemos de novo o son, nesta ocasión deixámolo soar ben, uns 30 segundos. Enseguida chama José Antonio da Estrada e comenta que son mariscadoras: ACERTOU!. A José Antonio non se lle ocurre algún son que poida ser rexistrado.

Despois Juan e Horacio contan a historia do son, das mariscadoras de Cesantes en Redondela. Tamén anuncianse as primeiras viaxes dos membros de Escoitar.org para rescatar eses sons que tanto interesan ós ointes.

Escoitar o programa [13′20″]

.
.

Publicado o : 15 Febreiro , 2008 Gardado en : programas Ver outros : Anterior programa / Seguinte programa