culturagalega.org dende Santiago

Descripción da gravación

Do obradoiro a Cervantes A praza está case deserta. No arco de Fonseca, un gaiteiro ameaza con comezar a tocar, pero semella que non está inspirado abondo. A xente pasa por diante da fachada da catedral nun fluxo constante. Cruzámolo e encontramos que o gaiteiro departe cun amigo no lugar de tocar. En chegando á Acibecharía cruzamos cun taxi, e ameaza de novo o gaiteiro coas súas tentativas. Algo máis arriba, dous bares compiten coa súa música. En chegando á praza de Cervantes un grupo de xente fala en alto desde os soportais, e chega a nós o son da fonte, que en segundo nos achegamos a ela, vaino enchendo todo.